Nes kommuna bjóðar nú øllum vælkomnum til Team Rynkeby-tiltak, sum verður klokkan 13.30 við Undirhúsið á Toftum.
- Vit fara at skipa fyri einari hugnaligari móttøku. Borgarstjórin bjóðar vælkomin og sigur nøkur orð, og Steintór Rasmussen og Pætur við Keldu fara at framføra nakrar sangir.
Tað siga tey í Nes kommunu í dag.
Kommunan fer at bjóða kaffi/te, leskidrykk og okkurt gott undir góman.
- Vit heita á øll, yngri sum eldri, um at møta upp og heilsa okkara súkklarum, sum nú byrja longu ferðina til París. Um náttina fer alt liðið, 63 súkklarar og 14 tænastufólk, umborð i Norrønu.
Lagt verður aftrat, at leygardagin á middegi leggur Norrøna at í Hirtshals, og so verður súkklað í eina heila viku.
- Á ferðini til París verður súkklað í Danmark, Týsklandi, Belgia og Fraklandi. Súkklararnir koma til París leygardagin 15. juli. Tá ið túrurin er liðugur, hava teir súkklað umleið 1350 kilometrar.
Í Nes kommunu vísa tey á, at myndir frá París-túrinum verða lagdar út dagliga á síðuni hjá Team Rynkeby á Facebook og Instragram, og øll eru vælkomin at fylgja við har.
