Ísak Vedelsbøl og liðfelagarnir í Sävehof spældu í kvøld grannauppgerð í bestu svensku hondbóltsdeildini.
Í Estrad Alingsås høllini eystanfyri Göteborg eydnaðist tað Sävehof at vinna 29-26 á Alingsås. Sävehof legði góðan botn í fyrra hálvleiki, og var á odda 17-11 í steðginum.
Ísak skoraði fýra mál upp á seks málroyndir.
Sävehof er nummar seks í deildini við 12 stigum.
Týsdagin klokkan 17.45 hevur Sävehof heimadyst í bólki G í EHF European League. Tá kemur slovakiska liðið, Presov á vitjan í Partille.
