Ósamd javanaðarvalevni

Valstríðið hjá Javn­aðar­flokk­i­num fekk eitt skot fyri bógvin á almenna valfundinum í Vági í gjár­kvøldi.?Har hendi tað óvan­liga, at valevni hjá Javn­að­ar­flokki­num fóru at keglast sína­mill­um fyri tendr­að­ari mikro­f­on um val­skránna hjá Javnað­ar­flokkinum.?
Eftir tey vanligu vallyftini frá yms­um flokkum um ar­beiði til allar hendur, bí­lig­ari ferðaseðlar bæði við Smyrli og Atlantsflogi, und­ir­sjóv­ar­tunnil og betri hvalbiartunli, kom orð­a­skiftið eisini inn á til­feingisgjald.?
Í almennu valskránni hjá Javn­að­ar­flokk­inum er stað­fest, at vit skulu hava eitt til­feing­is­gjald.?Men flokkurin hev­ur eft­ir øll­um at døma ikki tryggj­að sær undirtøku frá øllu­m sín­um val­evn­um fyri hes­um. ?Sostatt er spurn­ing­urin eisini, hvussu á­lít­andi hes­in part­ur­in av val­skránni hjá flokk­inum er.?
Á valfundinum í Vági royndu Pauli Einarson og Trygvi Strøm, at greiða suð­ur­oy­ing­um frá, hvat hetta til­feing­is­gjald skuldi brúkast til, breyt part­a­maður teirra, Hendrik Old, teir av, hóast hann ikki átti orðið.?
– Tað verð­ur onki til­feing­is­gjald, gjørdi hann púra greitt.?Hann staðfesti, at til­feing­is­gjald­ið er vegurin til und­irgang.?
– Tað skal aldrin ígjøgnum við mín­um vilja, staðfesti hann. ?Onnur valevni hjá Javn­að­ar­flokkinum bóðu hann nú tiga, men tað mun­aði onki, tí Hendrik Old endurtók, at hann fer aldr­in at góð­taka eitt til­feing­is­gjald.