Annað árið á rað boðar TB frá, at felagið fær afrikanskan landsliðsspælara til felagið. Hesa ferð vónar felagið, at talan er um rætta spælaran og at hann kemur fram.
Babacar Ndiour er navnið á 23 ára gamla senegalska verjuspælaranum, sum TB nú hevur gjørt avtalu við. Fyribils er talan um royndarvenjing, og tað er ringum royndum at felagið hevur tikið tað stigið. Í fjør skuldi Samuel Ayew Yeboah, sum er skrásettur fyri ein landsdyst fyri Ghana, koma til royndarvenjingar, men einki spurdist burturúr.
- Vit kunnu vera óhepnir sum felagið vist hevur verið áður at maðurin, sum kemur til Føroya, ikki er tann sami, sum sáttmáli er skrivaður við. Við at tryggja seg, sum vit gera nú, fáa vit ongar óneyðugar og óvæntaðar útreiðslur, sum kosta okkum dýrt, sigur Hans Fróði Hansen, venjari og ítróttarstjóri í TB, við heimasíðuna hjá felagnum.
TB hevur frammanundan tveir spælarar úr Senegal í hópinum. Talan er um Ndende og Joseph Bassene. Babacar Ndiour var og vandi við B68 í fjør, men pappírarbeiði kom ikki upp á pláss til tíðina.
Sambært heimasíðuni hjá TB, so hevur Babacar Ndiour spælt í best deildini í Senegal, umframt fleiri landsdystir móti millum annað Kolumbia og Meksiko.
Undir greinini er eitt brot úr dystinum millum Senegal og Meksiko, har Babacar Ndiour spælir á høgra bakki og hevur nummar átta á rygginum.
