Aftur í morgun hevur løgreglan gjørt ferðslukanningar og tað endaði við at fýra bilførarar fingu eina átalu.
Hesa ferð kannaði løgreglan ferðsluna við skúlar í Havn.
Sum sigur, at sum heild var støðan góð, tí børnini sótu í trygdarbelti eftir forskriftunum.
Men eitt, sum leyp í eyguni á løgregluni, var, at hóast børnini sótu í trygdarbelti, høvdu nógv teirra eisini skúlataskuna á rygginum.
Og løgreglan ger vart við, at hóast børn sita í trygdarbelti, eru tey ikki trygg, tá ið tey samstundis sita við skúlataskuni á rygginum.
- Tá ið tey hava skúlataskuna á rygginum, er høvdið rættiliga langt frá nakkastúttunum og tá eru tær ikki til nakra nyttu, skuldi ein samanstoytur verið.
Sostatt er ferðslutrygdin hjá børnunum í vanda, helst mest tí, at foreldrini ikki hugsað um vandan, ið kann standast av, at tey sita við skúlataskuni á rygginum.
Løgreglan hevur ikki givið bilførarum bót fyri hetta, men í morgun fingu fýra bilførarar átalu fyri at lata børnini sita við skúlataskuni á rygginum.
Men harafturat vóru onkrir einstakir bilførarar tiknir fyri at tosa í fartelefon, sigur løgreglan. |
