Tað hevði stóran týdning fyri Danmark at vinna dystin ímóti Íslandi í dag, men í síðsta sekundi varð sigurin tikin frá dønum.
Danmark var annars frammanfyri 32-31, men í síðsta sekundi fekk Ísland brotskast. Snorri Gudjónsson var ósvitaliga tryggur og javnaði til 32-32, sum eisini var úrslitið. Danmark var annars frammanfyri 18-17 í steðginum.
Við javnleikinum hevur Ísland nú tryggjað sær sæti í fjórðingsfinaluni, meðan Danmark enn ikki hevur tryggjað sær víðari luttøku. Danmark møtir Týsklandi í tí síðsta dystinum. Um Danmark tapir, og Russland vinnur sín dyst ímóti Suður Korea, so er Danmark úti av kappingini.
Danmark: Jesper Nøddesbo 6, Kasper Sarup 5, Lasse Boesen 5 og Bo Spellenberg 5
Ísland: Snorri Guðjónsson 8, Guðjón Sigurðsson 6, Ólafur Stefánson 5
1. Suður-Korea 6 stig
2. Týskland 6 stig
3. ÍSLAND 5 stig
4. DANMARK 4 stig
----------------------
5. Russland 3 stig
6. Egyptaland 1 stig
Mánadagin:
DANMARK-TÝSKLAND
ÍSLAND-EGYPTALAND
Russland-Suður-Korea
