Búnarnir og hjálmarnir er persónlig útgerð, tvs. at hvør maður hevur egnan búna.
Seinast Klaksvíkar Sløkkilið keypti nýggjar búnar var í 2005.
Manningin hjá sløkkiliðnum norðanfyri, í Hvannasundi og Viðareiði, hava nakað nýggjari búnar. Tó er avgjørt at keypa teimum nýggjar búnar, sum koma at liggja á støðini í Klaksvík. Hetta er ein fyrimunur, tí fleiri av teimum arbeiða í Klaksvík, og kunnu harvið vera skjótt á staðnum, tá ið eitt átak er í Klaksvík, skrivar klaksvik.fo.
