Leygardagin hin 28. september, sum er leygardagin komandi, verður Eplafestivalur aftur á Sandi.
- Eplafestivalurin hevur verið saknaður leingi – ja, heilt síðani 2019, siga tey, sum standa aftanfyri tiltakið.
Hesin bygdasligi festivalurin er meira enn bara eitt hátíðarhald av eplum.
- Hetta er eisini eitt tiltak, har vit fagna bygdarlívinum, lívsins smáu løtum og øllum tí heimliga, sum vit elska.
Fyrireikararnir siga, at skráin er fylt við spennandi upplivingum - hugnaligum pop-up kafé'um, fyrilestrum, verkstovum og sjálvandi nógvan stuttleika fyri allari familjuni
Á skránni hava vit til dømis:
* Serstaka stovukonsert við Herborg Torkilsdóttir.
* Jákup Dahl fer at undirhalda og seta gongd á láturmusklarnar í Virkinum.
* Dansur við bólkinum, Reyn.
* Eplakappingar og neytalortakapping.
Skráin fyri Eplafestivalin sæst á Facebook-vanganum - Eplafestivalur, og her fer eisini at koma meira kunning um eitt nú parkering.
- Nú er bara at gera seg kláran til at uppliva ein dag, sum er fyltur við hugna, góðum práti og nógvum eplum!
Fyrireikararnir enda við hesum orðum:
- Vit síggjast á Eplafestivalinum 2024 - fyrst í Trøðum frá klokkan 10 leygarmorgunin og seinnapartin og um kvøldið eisini í sandsbygd.
