Sølan av nýggjum bilum stendur í stað

Fyrra hálvár í ár vórðu seldir sjey færri bilar enn sama tíðarskeið í fjør. Harvið kann staðfestast, at stóri vøksturin í søluni av nýggjum bilum, sum hevur verið í fleiri ár, nú hevur javnað seg.

Fyrra hálvár í ár vórðu seldir tilsamans 1.457 akfør í mun til 1464 sama tíðarskeið í fjør. Tað er ein minking við 7 akførum, ella 0,48 prosentum.

Og tá vit tosa um sølu av akførum, so er nógv tann størsti parturin persónbilarnir. Fyrr hálvaár í ár vórðu seldir 1.051 nýggir persónbilar. Talið í fjør var 1.113. Tað er ein afturgongd upp á 62 bilar ella 5,6 prosent.

Men vøkstur er tó á summum økjum. Eitt nú eru seldir 44 fleiri vøruvognar fyrra hálvár í ár í mun til í fjør. Í ár eru seldir 193 vøruvognar í mun til 149 fyrra hálvaár í fjør. Tað er ein vøkstur upp á 30 prosent.

Í ár eru seldar 32 nýggjar motorsúkklur. Tað eru 290 fleiri enn sama tíðarskeið í fjør, ella ein vøkstur upp á 167 prosent.

---

Hagtøl um skráseting av NÝGGJUM akførum fyri Jan-Jun 2017 og 2016. Útskriftin vísir, hvussu stór broyting er í talinum av skrásettum nýggjum akførum tvey fylgjandi ár:

 .