Í dag klokkan 16 letur listaframsýning upp í Ribarhúsi í Fuglafirði.
Tað eru tær báðar: Bodil Arbjerg Lundby við steinskulpturum og koltekningum, og Sólvá Gunnarsson Olsen við stórum og smáum málningum sum sýna fram.
Báðar eru búsettar í Danmark. Bodil er donsk og býr í Højer og Sólva er føroysk og býr í Hjerting norðanfyri Esbjerg.
Ribarhús sigur, at øll eru hjartaliga vælkomin til upplatingina seinnapartin í dag – har verður eisini ein góður kaffimuður og okkurt afturvið.
Framsýningin er opin til fríggjadagin 12. august.