Metallica telist millum størstu rockbólkar í heiminum, og á Summar Festivalinum í ár fer føroyski bólkurin Exit Light at heiðra Metallica við heilt serligari framførslu.
Exit Light fer at spæla tað besta hjá Metallica – ikki minst klassikararnar á The Black Album, men eisini aðrar kendar sangir.
Teir, sum spæla við Exit Light, eru royndir rocktónleikarar: Hans Hammer (sang), Pauli Reinert Poulsen (gittar og kór), Benjamin Petersen (gittar), John Egholm (akk gittar og kór), Heri Reynheim (bass) og Sigurd Justinussen (trummur).
Framførslan hjá Exit Light verður í Tjaldinum leygarkvøldið kl. 23.00.
