StÍF funnið flogið

Seinnu árini hava strandingar ikki verið so framm­arliga í føroyskum mans­hondbólti, sum teir vóru tað fyrstu 10 árini í hesi øldini.
Í vetur tóktist liðið held­ur ikki at hava tað heilt stóra at siga, men seinastu vikur­nar hevur av álvara glógv­að í hjá teimum hvítu. Gaman í fingu teir veruliga bank í Vestmanna, tá teir vitj­aðu har, men síðani hava bæði Kyndil og KÍF vitjað á Skála, og í báðum førum eru gestir­nir sendir heim við ongum.
Sunnudagin var talan um stóra avbjóðing. Tó at meist­ararnir úr KÍF tykjast hava harðari kapping í ár, enn teir høvdu í fjør, so eru koll­firðingarnir á finalu­kós. StÍF hevði hinvegin møguleikan at blanda seg í oddastríðið, um teir vunnu dystin, og hes­um møguleikanum tóku teir av.
Dysturin gekk fyri nógva sera javnt á, men seinastu løtuna var tað StÍF, sum rann avstað. Eitt sindur merkis­vert, tá hugsað verður um, at KÍF ofta gevur trumfað mót­støð­una niður seinastu min­utt­irnar av dystinum, men hetta varð altso ikki støðan á Skála í gjár.
- - -

StÍF - KÍF 29-24 (15-13)
10 min: 5-5
20 min: 11-9
40 min: 19-17
50 min: 23-22

StÍF: Jógvan G. Joensen 9, Sveinur Justinussen 5, Marius Joensen 5, Kjartan Johansen 3(2), Fríði R. Djurhuus 3, Borgar Danielsen 2, Jón Rasmussen 1, Leivur Justinussen 1
KÍF: Hans Eli Sigurbjørnsson 8(3), Magnus Muller 4, Nicklas Selvig 4(2), Rúni Joensen 4, Tony Weihe 3, Rógvi Weyhe 1
Brotskøst: StÍF 2/2, KÍF 5/5
Útvísingar: StÍF 3, KÍF 6