Fyrst var tað Eik Banki, sum »stjól« ein stjóra frá BankNordik. Tað var, tá Súni Schwartz Jacobsen varð settur sum forstjóri í endurreista Eik Banka. Hann var frammanundan annar stjórin í BankNordik.
Súni Schwartz Jacobsen hevur sína fortíð sum ríkisgóðkendur grannskoðari hjá Spekt. Men eftir at Jørn Astrup Hansen legði frá sær sum forstjóri í Føroya Banka, og Janus Petersen avanseraði til forstjóra, varð Súni Schwartz Jacobsen settur sum medstjóri.
Men nú er tað BankNordik, sum »stelur« frá Tryggingarfelagnum Føroyar, sum eigur Eik – tað vil siga um tað var orsøkin til, at Edvard Heen legði frá sær sum tryggingarstjóri herfyri. Ella hevur bankin bara handlað skjótt, tí nú hevur bankin sett Edvard Heen sum undirstjóra í BankNordik.
Í øllum førum er talan um ein stjóraumbýti...
