Stjarnan hevur longt sáttmálan við Jóhannes Bjørgvin við tveimum kappingarárum. Tað boðar felagið frá í dag.
Hrannar Guðmundsson, høvuðsvenjari hjá Stjörnuni sigur, at Jóhannes fall væl inn í hópin í farna kappingarári, og talan er um ein leikara sum gevur seg 110 prosent.
- Eg eri spentur upp á komandi kappingarári. Vit vera meir ella minni tað sama unga liðið sum í farna kappingarári, og nú hava vit havt eitt heilt kappingarár saman. Eg trúgvi, at vit kunnu byggja upp á hetta og røkka enn betri úrtøku í komandi kappingarári. Vit vilja meira. Sigur Jóhannes við heimasíðuna hjá Stjörnuni.
Í farna kappingarári skoraði Jóhannes 47 mál fyri Stjörnuna. Talan var um eitt gagnnýtisprosent upp á 75 prosent.
