Aftur í ár verður Vesturkirkjan karmur um felags jólakonsertina hjá GHM, Havnar hornorkestrið og Havnarkórinum.
Hetta konsertsamstarv millum hesar tríggjar institutióninar í tónleikalívinum í Havn hevur nógv ár á baki og oftast hevur hendan konsertin verið hildin 3. sunnudag í advent.
Soleiðis verður eisini í ár, og sjálvandi verður tað jólatónleikur, sum fer at mynda konsertskránna.
Konsertin verður í annaðkvøld - sunnukvøldið 14. desember klokkan 19.30 - í Vesturkirkjuni.
