Í dag fáa tey vitjan av danska verjumálaráðharranum Troels Lund Poulsen, sum kemur til venjingina saman við ráðharrafeløgum úr Noregi, Grønlandi og Íslandi.
Tað skrivar Verjumálaráðið í tíðindaskrivi.
- Við øktari nærveru í og kring Grønland komandi tíðina fer Verjumálaráðið at styrkja sína egnu operationellu tilbúgving og tilbúgving hjá NATO í Arktis, sigur verjuovastin Michael Wiggers Hyldgaard í fráboðanini.
Í venjingini Arctic Light 2025 venja verjan og NATO-sameind felags svarførleikan, tá talan er um hóttanir í Norðuratlantshavi og Arktis.
Sambært verjumálaráðharranum fer venjingin eisini at fevna um útbúgving í bjarging á sjónum, at berjast ímóti havdálking og at verja kritiskt undirstøðukervi.
Hetta hevur eisini verið gjørt í undanfarnum venjingum.
Tá politikararnir vitja í Grønlandi mánadagin, verða teir millum annað umborð á fregattini "Niels Juel".
Her síggja teir venjingar við millum annað tyrlu og F-16 flogførum.
Venjingin byrjaði 9. september.
