Tað er vár. Tjøldrini eru komin, og lembingartíðin nærkast - ja, tey fyrstu lombini eru longu komin.
Tey, sum hava heimaseyð, hava fingið fyrstu lombini, men enn gongur ein tíð, áðrenn ærnar í haganum fara at lemba.
- Í góðveðrinum í morgun lembdi henda tvílemban ársins fyrstu lomb.
Soleiðis verður sagt á Facebook-vanganum - Koltur - fyri nøkrum døgum síðan.
Her verður lagt aftrat, at sama ær lembdi eisini tvey lomb tíðliga seinsta ár.
Tá teir vóru á várfjalli í Koltri herfyri, varð staðfest, at seyðurin í oynni er sera væl fyri.
- Spennandi verður at síggja, hvussu restin av lembingini fer at ganga, siga tey á Facebook-vanganum, Koltur.
Vit kunnu leggja aftrat, at sambært ætlanini fyri Koltur eru ein partur av seyðinum, sum var í oynni, tikin av.
##med2##
