Hvar varð nýggjársaftan hildin?
- Dagurin varð hildin í Vági saman við familjuni. Vit byrjaðu við morgunmati í VB-húsinum, har øll bygdin varð boðin. Seinni hugnaðu vit okkum heima við góðum mati. Um kvøldið var bál og fýrverk.
Tað sigur Harriet Joensen í Vági, sum er ættað av Nesi.
Hvat var tað besta, sum hendi í 2023?
- Tað besta í 2023 er, at vit hava verið nógv saman við børnunum og okkara fyrsta ommu-og abbabarni.
Hvat var tað keðiligasta?
- Tað keðiligasta var at missa pápa i februar. At koma heim á Nes, og hann ikki er har meira, er trist.
##med2##
Gevur tú eitt nýggjárslyfti?
- Eg havi ikki nakað serligt nýggjárslyfti. Allan tann seinasta dagin i árinum reflekteri eg um árið, sum er farið. Hesin dagurin hevur stóran týdning fyri meg.
Hvørjar vónir hevur tú fyri 2024?
- Eg vóni fyri 2024, at familjan fer at hava tað gott og verður frísk. Vóni eisini, at Føroyar verða eitt betri stað fyri øll - og til seinast, at vit byrja at borða Suðuroyartunnilin, sigur Harriet Joensen.
