Kappingin í næstbestu fótbóltsdeildini er meiri enn hálvrunnin. 14. av 27 umførum var í gjár. Myndin eftir úrslitini í gjár og støðutalvan eftir 14 umfør eru, at næstbestu liðini hjá bestu feløgunum í EFFO deildini eru eins stinn og stinnari enn feløgini, sum við sínum besta liði kappast fyri at vinna uppflyting í bestu deildina.
Oddaliðið HB var í gjár á Skála, har tað eydnaðist at vinna 2-1. HB var frammanfyri 2-0 í 1. hálvleiki. Beinanvegin eftir steðgin minkaði Skála um munin, men HB megnaði at halda tørn, hóast Skála síðstu løtuna var manningarliga omaná.
B68 er besta boðið upp á uppflyting, eftir at toftamenn í gjár vunnu 5-2 í Trongisvági. Inntil tað restaðu tólv minuttir stóð á jøvnum 2-2. Tá skoraði B68, og so gekk skjótt. B68 er níggju stig frammanfyri Skála og FC Suðuroy, sum eru hini liðini, ið havva møguleika at flyta upp. FC Suðuroy tapti í gjár 4-1 í Klaksvík. Á KÍ liðnum vóru níggju spælarar, sum fyrr í ár hava verið á besta KÍ liðnum.
Merkisvert er tað, at bæði KÍ og B36 eru frammanfyri Skála og FC Suðuroy. B36 sendi í gjár B71 suður aftur um Skopunarfjørð við 6-0 tapi. Stóri maðurin á B36 liðnum var Jákup T. Joensen, sum í átta minuttir tíðliga í 2. hálvleiki skoraði fýra ferðir.
EB/Streymur hevur verið illa spert í botninum. Í gjár lætnaði trýstið eitt sindur, tá ið sundalagsmenn vunnu 3-1 á útivølli ímóti Víkingi, sum var frammanfyri eftir 1. hálvleik.
TB tapið á heimavølli ímóti KÍ og EB/Streyma sigurin í Leirvík bera við sær, at tað nú eru B71 og TB, sum eru niðanfyri strikuna.
KÍ-FC Suðuroy 4-1 (1-0)
1-0: Helgi Samson 36.
1-1: Jón K. Poulsen 54.
2-1: Helgi Samson 56.
3-1: Kristoffur Jakobsen 61.
4-1: Henry Heinesen 75.
Víkingur-EB/Streymur 1-3 (1-0)
1-0: Bergur Gregersen 38.
1-1: Teitur Johansen 60.
1-2: Poul G. Olsen 70.
1-3: Andru Poulsen 75.
Skála-HB 1-2 (0-2)
0-1: Bárður J. Heinesen 14.
0-2: Kári Nielsen 28.
1-2: Ólavur Mikkelsen 46.
Reytt kort: Bárur J. Heinesen, HB, 80. (2 gul)
B36-B71 6-0 (2-0)
1-0: Milan Kuljic 23.
2-0: Milan Kuljic 37.
3-0: Jákup T. Joensen 53.
4-0: Jákup T. Joensen 54.
5-0: Jákup T. Joensen 56.
6-0: Jákup T. Joensen 61.
TB-B68 2-5 (0-2)
0-1: Haraldur R. Højgaard 16.
0-2: Kristian Anton Andreassen 24.
1-2: Ragnar Tausen 62.
2-2: Hjalti Vestergaard 73.
2-3: Jóhan Dávur Højgaard br 78.
2-4: Búi í Hjøllum 90.
2-5: Bjarki Johannesen 90.+3.
Hagtøl: www. faroesoccer.com
Støðan eftir 14 umfør
HB 30 stig
B68 29 stig
KÍ 22 stig
B36 21 stig
Skála 20 stig
FC Suðuroy 20 stig
Víkingur 19 stig
EB/Streymur 13 stig
TB 13 stig
B71 11 stig
15. umfar
Fríggjadagin 14. juni
EB/Streymur-B36
Leygardagin 15. juni
KÍ-Skála
Víkingur-TB
HB-B68
Sunnudagin 16. juni
B71-FC Suðuroy
