Virðið á føroyska útflutninginum er 5% lægri í ár, enn tað var í fjør. Í krónum er talan um eina minking upp á 190 milliónir. Úr 3.530 í 3.340 mió kr.
Týdningarmesti parturin av føroyska útflutninginum er fiskur og fiskavørur, og her er fallið 2% í virði. Í nøgd er talan tó um eitt tonsatal, sum er minkað 23%.
Útflutningurin av ?øðrum vørum? er higar til øktur 40 milliónir, meðan útflutningurin av skipum er 166 milliónir krónur minni, enn hann var fyrstu 11 mánaðirnar í fjør.
