- So kann eg eisini skriva skrellimaður á mítt CV.
Reimund Langgaard, sum var tingmaður fyri Sambandsflokkin 2011 til 2015, hevur seinastu tvær vikurnar roynt seg sum skrellimaður.
Tað er í samband við, at nýggi posarullurnar eru koyrdar út, at hann hevur arbeitt hjá IRF sum eykamaður.
- Eg havi mest fingist við tað, men onkrir posar eru tó heintaðir eisini, skrivar Reimund Langgaard á Facebookvanga sínum.
Reimund Langgaard hevur tó annað starv eisini. Hann er sølumaður í lýsingafyritøkuna Krea.
