Amerikanski forsetin, Donald Trump, náðar fleiri framstandandi samstarvsfelagar, eitt nú fyrrverandi advokat hansara, Rudy Giuliani.
Tað stendur í einum uppslagi á sosialu miðlunum hjá náðisakføraranum hjá Trump, Ed Martin.
Fyrrverandi stábsleiðarin í Hvítu Húsunum, Mark Meadows, er eisini á langa listanum yvir náðað fólk, sum øll eftir øllum at døma hava samband við royndina at broyta úrslitið av forsetavalinum í 2020, sum demokraturin Joe Biden vann.
Politico skrivar, at eingin av teimum á listanum er skuldsettur ella ákærdur í samveldismálum. Náðanirnar verða tí lýstar sum "í stóran mun symbolskar" av fjølmiðlunum.
Sambært amerikansku grundlógini kann amerikanski forsetin náða fangum ella lækka teirra revsing. Náði kann eisini vera galdandi fyri fólk, sum standa fyri ákærum, sum enn ikki hava ført til dóm.
Rætturin til náði er bert galdandi fyri samveldisbrotsverk. Ikki brotsverk, sum ein varð dømdur fyri í einum stati.
Í skjalinum stendur eisini serliga, at Donald Trump ikki náðar seg sjálvan.
/Ritzau/
