FSF skrivar:
- Fróði Benjaminsen hevur úttikið 18 spælarar til venjingarleguna, sum verður í Slovenia frá 1. til 9. septembur
Umframt venjingar eru eisini tríggir spennandi venjingardystir á skránni, tá U19 landsliðið við dreingjum fyrst í komandi mánað fer á venjingarlegu í Ljubljana í Slovenia.
Ferðalagið fer úr Føroyum mánadagin 1. septembur, og verður heima aftur týsdagin 9. septembur.
Tann 3. septembur møta okkara dreingir Póllandi, tann 6. septembur er mótstøðulandið Aserbadjan, og tann 8. septembur verður dystur móti Slovenia.
Fróði Benjaminsen er venjari hjá U19 dreingjunum, og hann hevur nú kunngjørt teir 18 spælararnar, ið eru boðsendir til venjingarleguna í Ljubljana.
Hópurin:
Torkil Skála, AB
Tróndur Sjúrðarsson, FC Suðuroy
Jósef Ólavsson, Víkingur
Jens Eiler Samsson, Víkingur
Silas B. Joensen, HB
Dávid P. á Líðarenda, Víkingur
Jákup Olsen, KÍ
Dennis Stefan Anghel Olaru, B36
Arnór Brandsson, Víkingur
Benadiktus Olsen, NSÍ
Djóni Sivertsen, B36
Eyðtór Eyðsteinsson Joensen, TB
Rasmus Helgason, 07 Vestur
Bogi á Reynatrøð, Víkingur
Mattias Dahl Djurhuus, TB
Páll Müller, KÍ
Sjúrður Henriksen, AB
Dánjal Mørkøre, Vejle BK (Danmark)
Venjingarlegan er fyrireiking til EM undankappingina, sum verður í Ungarn frá 10. til 19. novembur. Í EM undankappingini eru Føroyar í bólki 2, saman við Ungarn, Frankaríki og Bulgaria.
