TRÝST á PÍLIN undir MYNDINI, og hoyr sendingina "Fótbóltspanelið", sum var á Rás2 seinnapartin. Gestur var unga landsliðsstjørnan, Brandur Hendriksson Olsen, sum hevur havt sáttmála við FC Keypmannahavn seinnu árini.
Brandur og Tróndur Arge tosaðu um barndómsárini í Skálavík, um hvussu sáttmálin í FCK kom í lag, og um minniligastu avrikini hjá Brandi við FCK og føroyska landsliðnum.
Tíð var eisini at stilla Brandi nakrar skeivar og stuttligar spurningar, og dugdi Brandur væl at svara fyri seg.
Brandur var í gávuhýri, og ein heppin lurtari á Argjum vann eina útivallartroyggju hjá FC Keypmannahavn.
