Flestu partrolarapør eru til fiskiskap, men fiskiskapurin eftir upsa er vánaligur í løtuni. Væntandi er, at flestu ísfiskatrolarar koma inn at landa fyri páskir. Men, onkur pør eru nýliga byrjaði túr og landa tí ikki fyri páskir.
Á Fiskamarknaði Føroya vistu tey í gjár at siga, at ein djúpvatnstrolari ger royndir eftir toski og hýsu á Føroyabanka, tveir fiska upsa, og ein fiskar svartkalva.
Væntandi koma allir djúpvatnstrolararnir inn at landa í næstu viku. Í gjár landaðu tveir trolbátar, og teir fóru væntandi avstað aftur beinanvegin.
- Trý garnaskip fiska svartkalva, og væntandi koma øll trý inn at landa í næstu viku. Skipini, sum fiska svartkalva, hava brúkiligan fiskiskap, og eitt garnaskip fiskar havtasku, siga tey á Fiskamarknaði Føroya.
