Stjørnan styrkir hópin fyri kappingarárið 2023/24 við italskum spælara. Talan er um 31 ára gomlu Valentinu Landri, úr Italia, skrivar Stjørnan.
- Valentina hevur spælt á sera høgum støði í fleiri ár, har hon millum annað hevur verið við til at vunnið gull fleiri ferðir í bestu deildini í Italia. Valentina er eisini kjósin sum ársins verjuspælari fyri kvinnudeildina í Italia. Eisini hevur Valentina umboða Italia við U18 og U20 landslið, skrivar Stjørnan um nýggja spælaran.
Farna kappingarár spældi Valentina Landri fyri Italska liðið Erice.
