Enn livir vónin hjá Elsu Egholm, Vár og Lív Zachariasen og liðfeløgum teirra at flyta upp í bestu donsku hondbóltsdeildina.
Ígjár vann Ajax í høllini í Bavnehøj fyrsta Play Off dystin móti Rødovre. Ajax vann dystin 19-18. Í steðginum var Ajax á odda 9-5. Vár var noterað fyri eitt mál.
Liðini hittast aftur í Rødovre komandi leygardag klokkan 17. Vinnur Ajax tann dystin eru tær klárar at spæla móti næstaftasta liðnum í bestu deildini, ið kann enda við at blíva liðið hjá Súnu K. Hansen, Skanderborg.
Vinnur Rødovre hittast Ajax og Rødovre aftur í triðja og avgerandi dystinum í høllini í Bavnehøj, fríggjakvøldið 1. mai.
