Seinastu dagarnar hevur tað av álvara verið heystarveður, og veðurforsøgnin fyri leygardagin var mikudagin so mikið vánalig, at FSF gjørdi av at framskundað tveir dystir til í kvøld og at útseta tveir dystir til sunnudagin.
Tað var røtt avgerð at framskundað dystir til í kvøld, tí við Lækin í Runavík, á Dungasandi í Sørvági og í Gundadali í høvuðsstaðnum sær tað út til, at veðrið ikki fer at órógva fótbóltsspæið í kvøld.
KÍ er á veg vestur til Sørvágs. Um tað eydnast at vinna fulla úrtøku, so verður FM heitið við í viðførinum norður aftur.
Hjá 07 Vsstur er dagsskráin at vinna fulla úrtøku ella eitt stig, so at liðið kann lyfta seg at vera røttu megin niðurflytingastrikuna.
Í fyrsta umfari vann KÍ 3-1, tá ið 07 Vestur var í Klaksvík, og 14. juni vann KÍ 4-0 í Sørvági.
NSÍ fær í kvøld vitjan av B36.
NSÍ spælir fyri at varðveita næstfremsta plássið og fyri at taka av í kappingini um FM, um klaksvíkingar kiksa í Sørvági. Higartil hevur NSÍ skorað 88 mál, og tað eru 11 mál upp til málmetið, sum KÍ setti í 2021.
Málmunurin hjá B36 er +3. Eftir 1-1 á heimavølli ímóti Víkingi hevur B36 36 stig, og tað eru tvey stig fram til Víking, ið er á fjórða plássi, og sum sunnudagin fær vitjan av TB.
Í fyrsta umfari vann NSÍ 4-3 á heimavølli ímóti B36, sum var frammanfyri 3-1, inntil tað restaðu 20 minuttir. 15. juni endaði tað 2-2 í Gundadali, eftir at NSÍ tvær ferðir hevði verið á odda.
Í Gundadali fær HB í kvøld vitjan av B68. HB hevur 55 stig og stríðist fyri at fáa fatur á NSÍ, sum er næstfremst við 57 stigum. B68 er á sætta plássi við 24 stigum. Í fyrsta umfari vann HB 3-2 í Gundadali ímóti B68, sum eftir 38 minuttir var aftanfyri 3-0. 14. juni var Emil G. Pedersen tvífaldur málskjútti, tá ið HB vann 4-1 á Svangaskarði.
25. umfar
Fríggjadagin 3. oktober
NSÍ – B36: Jóhan Hendrik Ellefsen kl. 18.30
07 Vestur – KÍ: Dagfinn Forná kl. 19.00
HB – B68: Kári J. á Høvdanum kl. 18.30
Sunnudagin 4. oktober
Víkingur – TB: Heini Ziska Viðoy kl. 16.00
FC Suðuroy – EB/Streymur: Árni Brandsson Petersen kl. 13.00
| KÍ | 24 | 20 | 4 | 0 | 80 | 15 | 64 |
| NSÍ | 24 | 18 | 3 | 3 | 88 | 29 | 57 |
| HB | 24 | 17 | 4 | 3 | 60 | 34 | 55 |
| Víkingur | 24 | 10 | 8 | 6 | 35 | 27 | 38 |
| B36 | 24 | 10 | 6 | 8 | 39 | 36 | 36 |
| B68 | 24 | 6 | 6 | 12 | 32 | 54 | 24 |
| EB/Streymur | 24 | 6 | 6 | 12 | 24 | 50 | 24 |
| FC Suðuroy | 24 | 4 | 2 | 18 | 23 | 63 | 14 |
| 07 Vestur | 24 | 4 | 1 | 19 | 29 | 48 | 13 |
| TB | 24 | 2 | 6 | 16 | 24 | 78 | 12 |
