TRÝST á PÍLIN á MYNDINI, og síggj hæddarpunktini frá dystinum í donsku superliguni millum AC Horsens og Helsingør, sum heimaliðið, AC Horsens vann 2-0. Bæði málini komu í fyrra hálvleiki.
Hallur Hansson og teir úr AC Horsens vunnu eitt týdningarikið fet mótvegis oddastríðnum í Superliguni, tá ið teir í dag vunnu kravsigur á heimavølli ímóti botnliðnum, FC Helsingør.
Føroyski landsliðsleikarin byrjaði til vinstru heilt har frammi í hesum 2-0-sigrinum, sum varð grundlagdur longu í fyrra hálvleiki við málum frá Simon Okosun og Kjartani Finnbogasyni.
Tað hjálpti væl til hjá AC Horsens, at FC Helsingør fekk reytt kort longu í fyrra hálvleiki. Hallur Hansson varð útskiftur tá ið eitt korter var eftir at spæla.
Komandi fríggjakvøld spælir AC Horsens útidyst ímóti Randers FC.
Støðan:
| 1 | Nordsjælland | 9 | 6 | 1 | 2 | 22:14 | 19 |
| 2 | Hobro | 9 | 5 | 2 | 2 | 14:11 | 17 |
| 3 | Midtjylland | 9 | 5 | 1 | 3 | 20:16 | 16 |
| 4 | Brøndby | 9 | 4 | 3 | 2 | 15:9 | 15 |
| 5 | FCK | 9 | 4 | 3 | 2 | 16:11 | 15 |
| 6 | AC Horsens | 9 | 3 | 4 | 2 | 12:10 | 13 |
| 7 | AGF | 9 | 3 | 2 | 4 | 9:12 | 11 |
| 8 | SønderjyskE | 9 | 2 | 4 | 3 | 17:14 | 10 |
| 9 | OB | 9 | 2 | 4 | 3 | 7:8 | 10 |
| 10 | Silkeborg | 9 | 3 | 1 | 5 | 10:12 | 10 |
| 11 | AaB | 9 | 1 | 6 | 2 | 7:10 | 9 |
| 12 | Lyngby | 9 | 2 | 3 | 4 | 12:20 | 9 |
| 13 | Helsingør | 9 | 3 | 0 | 6 | 9:18 | 9 |
| 14 | Randers FC | 9 | 1 | 4 | 4 | 6:11 | 7 |
