Aftaná greiða 3-0 sigurin hjá Viborg á B36 í tí fyrra Europa Conference League undankappingardystinum á leikvøllinum í Viborg var tíðindafundur.
Dan Brimsvík, høvuðsvenjari og Andrias Eriksen møttu fyri B36.
Dan ásannaði, at B36 møtti einum krútsterkum liði, og teir megnaðu ikki at leggja nóg nógv trýst á Viborg.
Høgni staðfesti eisini, at Viborg er eitt framúr gott lið, men hann minti á, at B36 hevur seinnu árini avrikað nógv betur á heimavølli enn á útivølli í evropeisku kappingunum, og hann er tí vónríkur um, at B36 kann gera tað nógv betur komandi týskvøld klokkan 19, tá liðin hittast í returdystinum á Tórsvølli.
Jacob Friis, høvuðsvenjari hjá Viborg er nøgdur við, at hansara menn megnaðu at tryggja liðnum eitt gott útgangsstøðið til returdystin. Jacob Friis segði, at teir í Viborg vóru fyrireikaðir uppá, at B36 fór at hava eitt verjukent útgangsstøðið. Teir í Viborg kanna sær tó ikki bitan enn, men minna á, at ein returdystur er eftir at spæla.
