Meinhard E. Olsen og liðfelagarnir í Mjøndalen vunnu aftur farna vikuskiftið. Ígjár vann Mjøndalen 2-1 á Oslo KFUM á heimavølli.
Meinhard legði upp til 1-0 málið, ið Erik Skistad skoraði longu í níggjunda minutti av fyrra hálvleiki. Martin Ovenstad økti til 2-0 tá 83 minuttir vóru farnir av dystinum. Oslo KFUM fekk mál í tíðini sum dómarin hevði lagt aftrat.
Mjøndalen er einsamalt oddalið við 19 stigum fyri sjey dystir.
Mánadagin 23. mai verður føroyingauppgerð í Sandnes millum liðið hjá Gullbrandi Øregaard, Sandnes ULF og Mjøndalen.
HER ber til at síggja hæddarpunktini frá dystinum Mjøndalen-Oslo KFUM 2-1 (1-0):
##med2##
Rógvi Baldvinsson javnaði til 1-1 fyri Bryne tá 10 minuttir vóru farnir av fyrra hálvleiki. Åsane legði seg á odda 1-0 tá bert seks minuttir vóru leiktir av dystinum.
Robert Undheim skoraði sigursmálið til 2-1 til Bryne miðskeiðis í seinna hálvleiki.
Sigurin kemur á eitt turt stað hjá Bryne, tí talan er um fyrstu stigini liðið vinnur í kappingini í ár. Bryne er nú fjórðaftast í deildini við trimum stigum.
HER ber til at síggja hæddarpunktini frá dystinum frá dystinum Bryne-Åsane 2-1 (1-1):
##med3##