Tað gongur av skriðuni hjá nýggja høvuðsvenjaranum hjá Füchse Berlin, Nikolaj Krickau.
Annan dystin á rað var Füchse Berlin fyri tapi í bundesliguni við Nikolaj Krickau við róðrið.
Í dag tapti Füchse Berlin rættiliga greitt 29-34 fyri Gummersbach á útivølli. Í steðginum var Gummersbach á odda 18-13.
Hákun gjørdi tó sítt fyri Füchse Berlin. Hann fekk tríggjar málmøguleikar, og hann setti teir allar í netið.
Füchse Berlin hevur fýra stig fyri fýra dystir. Teir hava fýra stig upp til oddaliðið, Magdeburg sum vinnur hvønn dyst við greiðum málmuni.
Hósdagin klokkan 17.45 hevur Füchse Berlin dyst á Champions League í Max Schmelling høllini í Berlin. Tá komu donsku meistararnir, Aalborg á vitjan.
HER ber til at síggja ein samandrátt frá dystinum Gummersbach-Füchse Berlin. Við 1:41 minuttir sæst Hákun skjóta eitt gott mál aftaná eina góða fríspæling hjá Mathias Gidsel:
##med2##
