Einasta av teimum fýra liðunum í hálvfinaluni, sum ongantíð hevur verið í finaluni um løgmanssteypið, er 07 Vestur. Í kvøld hevur lutakast verið um, hvussu tað skal spælast í hálvfinaluni, og luturin fall soleiðis, at 07 Vestur skal spæla ímóti KÍ, sum harvið er síðsta møguliga forðingin hjá 07 Vestur fyri at spæla seg í steypafinaluna.
Í hinari hálvfinaluni hittast HB og Víkingur.
Tað eru tvær hálvfinalur á skrá. Onnur verður 7. september, og hin verður 5. oktober.
Steypafinalan verður leygardagin 30. oktober. Í lutakastinum í kvøld varð avgjørt, at vinnarin av hálvfinaluni millum 07 Vestur og KÍ fer at eiga heimavøll í steypafinaluni.
Løgmanssteypið:
1.hálvfinalan – 7. september
Víkingur – HB
07 Vestur – KÍ
2. hálvfinalan – 5. oktober
HB – Víkingur
KÍ – 07 Vestur
Finalan á Tórsvølli verður 30. oktober