Gunnar Vatnhamar spældi allan dystin, tá Víkingur Reykjavík framdi enn eitt roysnið í Evropa.
Víkingur spældi tíðliga seinnapartin - vegna ljósviðurskiftini - dyst á Kópavogsvøllinum móti bosniska liðnum, Borac Banja Luka sum sendi KÍ úr Europa League fyrr í ár.
Tað eydnaðist Víkingi at vinna dystin 2-0. Víkingur hevði væl fleiri málmøguleikar enn Borac Banja Luka, og vann ein uppibornan sigur.
Nikolaj Hansen legði Víking á odda í 17. minutti, og bert seks minuttir seinni økti Karl Friðleifur Gunnarsson til 2-0.
Víkingur hevur seks stig fyri tríggjar dystir, og liggur í verandi løtu á einum 10. plássi í Conference League. 36 lið eru í deildini.
28. november spælir Víkingur fjórða dystin í deildarspælinum. Dysturin verður á útivølli móti armensku liðnum, FC Noah.
