Mánakvøldið varð felagið Heimafriður stovnað. Fleiri enn 60 fólk ymsastaðni úr landinum høvdu leitað sær í Skótahúsið við Løkin í Runavík til stovnandi aðalfundin. Og tey halda, at hendan stóra undirtøkan er prógv um, at ljóð- royk- og ljósdálkan frá skipum ávirkar og órógvar nógv fólk kring landið.
Á stovnandi aðalfundinum settu tey eisini orð á, hvat endamálið hjá felagnum skal vera. Og endamálið er at virka fyri heimafriði og heilsubetri umhvørvi hjá íbúgvum í Føroyum. Ótolandi larmur, ristingar, roykur og ljós frá skipum ella øðrum havnavirksemi skal ikki sleppa at hava negativ árin á bústaðarøki framyvir, sum tey taka til.
Í nevndina eru hesi vald: Trina Eysturoy Sylvia Thomsen, Niels Midjord, Theodor E. Johannesen og Theresa Jákupsdóttir
Varalimir eru Poul Martin Jørgensen, Gudmar Joensen og Jónsvein Simonsen
Nevndin fer í næstum at skipa seg og fer sum skjótast til verka.
Stóra undirtøkan er prógv um, at ljóð- royk- og ljósdálkan frá skipum ávirkar og órógvar nógv fólk kring landið.
