Forsetin í Ukraina, Volodymyr Zelenskyj, sigur í kvøld, at russisku herdeildirnar eru byrjaðar slagið um Donbas har eysturi í landinum.
Á sosiala miðlinum Telegram váttar forsetin, at russar nú eru í holt við tað, teir eftir øllum at døma hava fyrireikað í langa tíð.
- Ein stórur partur av russiska herinum er nú farin undir álopskríggj í landslutinum, sigur Volodymyr Zelenskyj.
Tíðindastovan NTB sigur, at seinastu vikurnar hevur verið væntandi, at Russland fór at royna at vinna sær valdið í eystara parti av Ukraina.
Stápsstjórin hjá ukrainska forsetanum, Andriy Yermak, sigur, at ukrainski herurin er sterkur og fer at standa seg ímóti russisku álopunum.
Tíðindastovan AFP veit frá lokalum myndugleikum í Donbas at siga, at russisku álopini í landslutinum eru byrjað.
Sambært útlendskum miðlum í kvøld eru tíðindini um nýggj russisk álop í landslutinum ikki váttað av Russlandi, ei heldur av øðrum óheftum keldum.
##med2##
