Røringur hevur verið í svensku ítróttarmiðlunum seinastu vikurnar um størsti fótbóltsspælarin í svensku landsliðssøguni, Zlatan Ibrahimovic fór at gera eitt comeback á svenska landsliðnum, og fór at verða tøkur at tørna til fyri Svøríki, ið skal kappast í HM-endaspælinum í Russlandi í summar.
Svenskarar eru í einum sera sterkum HM-bólki, har týsku heimsmeistararnir, Suðurkorea og Meksiko eru mótstøðuliðini.
Nú skriva svenskir ítróttarmiðlar, at Zlatan Ibrahimovic verður ikki partur av svenska HM-hópinum.
Og orsøkin kemur frá einum sjálvatfinningarsomum Zlatan: - Svøríki er betri uttan meg, sigur Zlatan sambært blaðnum "Expressen".
Zlatan hevur sera góðar vónir til svenska liðið, hóast hann ikki sjálvur verður við til HM-endaspælið: - Eg haldi, at Svøríki er favorittur til at vinna HM í fótbólti, eftirsum teir eru betri uttan Zlatan, sigur Zlatan Ibrahimovic.
Zlatan Ibrahimovic útilokar ikki, at hann verður hjástaddur til HM-endaspælið í Russlandi í summar, men tað verður ikki sum partur av svenska HM-hópinum.
Svøríki spælir ímóti Suðurkorea 18. juni, ímóti Týsklandi 23. juni og ímóti Meksiko 27. juni.
