Tað kunnu 11 bilførarar sanna, sum í gjár fingu eina heilsan frá løgregluni. Tí tá steðgaði løgreglan 11 bilførararum, sum tosaðu í fartelefon, meðan teir koyrdu bil.
Tað kostar umframt eina bót upp á 1.500 krónur klipp í koyrikortið.
Í gjár tók løgreglan eisini ein mann niðri í býnum, sum var sera ólátaður. Hann varð tikin við á støðina og varð skuldsettur fyri brot á skilhaldsreglurnar. Harumframt hevði hann eitt sindur av rúsevnum uppi á sær.
Ein var eisini tikin á skutara, sum koyrdi ímóti ferðslurætninginum í eini einsrættaðar gøtu í Havn.
