Føroyingarnir hjá Viking Stavanger skutu meir enn helvtina av teimum 28 málunum, tá Viking Stavanger á útivølli í kvøld tapti 28-33 fyri TIF Viking. Í steðginum var støðan javnleikur 11-11, men tað gekk munandi verri í hond hjá Stavanger-liðnum í seinna hálvleiki.
Tróndur Mikkelsen skoraði seks mál og var valdur at vera besti maður hjá Viking Stavanger. Jónas G. Djurhuus skoraði eisini seks mál, og Helgi H. Hoydal skoraði fimm mál.
Viking Stavanger er nummar fimm av teimum 11 liðunum í næstbestu norsku hondbóltsdeildini við seks stigum fyri fimm dystir.
Sunnudagin tekur Viking Stavanger móti Falk á heimavølli.