Stúrt verður fyri, at fleiri enn 2000 fólk liggja jarðað undir einum skriðulopi á Papua New Guinea.
Tað var fríggjanáttina, at bygdin, Yambali í Enga-landslutinum, varð rakt av einum ógvusligum lopi.
Fyrstu fráboðaninar søgdu, at stívliga 100 fólk helst høvdu latið lív, men Reyði Krossur á staðnum metti, at talið av deyðum helst fór upp um 500.
Fyri skriðulopið búðu út við 4000 fólk í Yambali, og býurin var blómandi við nógvum vitjandi, sum komu til økið at leita eftir gulli.
Nú verður so stúrt fyri, at fleiri 2000 fólk liggja undir leivdunum av herviliga lopinum á Papua New Guinea.
Hetta veit tíðindastovan NTB at siga í morgun.
