Fleiri bátar hava verið úti og leitað eftir grindini, sum ein kvinna fráboðaði fyri løtu síðani vestanfyri. Umleið 30 bátar eru úti í løtuni.
Men bátarnir finna onga grind.
– Tað sær svart út, so hetta er nokk ein fusari, sigur Finnbogi Midjord, sýslumaður.
– Veðrið er gott, so teir burdu sæð grindina, um har var grind. Men tað ljóðar ikki, sum har er nakað at síggja, sigur hann.
Teir halda nokk fram at leita í eina løtu aftrat og hava lovað at ringja til sýslumannin, um teir síggja nakað.
Koma teir fram á nakra grind, so er ætlanin at halda henni til.
Dagføring 23:10: Bátarnir sigla inn aftur og eru givnir at leita.
