Hesum boðar Fólkaheilsuráðið frá á sínum Facebookprofili.
Tað var í farnu viku, tá ið ráðið upplýsti um, at talið av tilmeldingum var komið upp á 340, og fleiri miðlar tóku tað upp, at rættligi gongd kom á, soleiðis at upp á fáar dagar vaks talið av fólkið, sum vil sleppa tubbakinum, við nærum 500.
Tað var undan jólum, at Fólkaheilsuráðið fór undir átakið at bjóða roykjarum at melda seg til henda nýggja háttin at sleppa av við heilsuskaðiliga óvanan. Hátturin er, at X-roykjarin fær stimbrandi sms-boð yvir fartelefonina. X-roykjarin fær eini sms boð dagliga við einum stuttum hjálpandi boðskapi, sum stuðlar honum í at halda fast við sína avgerð. Hetta røkkur yvir tríggjar mánaðir, har boðini koma hvønn dag fyrstu fýra vikurnar og einaferð um vikuna restina av tíðini. Góðar royndir
hava verið við hesum háttinum í útlandinum.
– Sum sagt, fleiri enn 800 hava nú meldað seg til skipanina, sum er púra ókeypis. Fólkaheilsuráðið er sera væl nøgt við, at so mong hava tikið undir við hesum átakinum, og vísir á, at enn ber til at vera við. Fólk kunnu framvegis melda seg til hetta komandi hálva árið. Tú kanst byrja nær tað skal vera, sigur Fólkaheilsuráðið.
Melda til við at senda eitt sms við tekstinum »gevst« til 1919.
