AB vann seg uppum aftasta plássið - 07 Vestur leggur trýst á Vìking

AB er ikki longur aftast í Betrideildini hjá monnum. 

AB vann fyrr í kvøld 3-1 á B68 inni í Vika á Argum. Sigurin merkir, at AB við 10 stigum nú hevur eitt stig meira enn ÍF, ið er aftast við níggju stigum.

AB kendi sína vitjanartíð í fyrra hálvleiki, tá teir innanfyri ein minutt løgdu seg á odda 2-0 við málum Brian Jakobsen og Ragnar Skála skutu. Brian økti til 3-0 tá seinni hálvleikur var hálvrunnin.

Langt inni í tíðini dómarin hevði lagt aftrat minkaði Hanus Højgaard um munin til 3-1.

AB-B68 3-1 (2-0)

1-0 Brian Jakobsen (18.)

2-0 Ragnar Skála (19.)

3-0 Brian Jakobsen (66.)

3-1 Hanus Højgaard (90+)

EB/Streymur legði seg á odda 1-0 vesturi í Sørvági við máli Filip Djordjevic skoraði tríggjar minuttir undan steðginum. Uros Stojanov javnaði til 1-1 í tíðini dómarin hevði lagt aftrat í fyrra hálvleiki.

Innanfyri tríggjar minuttir syrgdu Jasper van der Heyden og Uros Stojanov fyri, at dysturin koppaði til heimaliðið, ið nú hevur 25 stig, bert tvey stig færri enn Víkingur á fjórða plássinum.

07 Vestur-EB/Streymur 3-1 (1-1)

0-1 Filip Djordjevic (42.)

1-1 Uros Stojanov br. (45.)

2-1 Jasper van der Heyden (81.)

3-1 Uros Stojanov (83.)

Ólavsøkudag klokkan 17 spæla TB og ÍF á Tórsvølli í einum dysti, ið formelt er ein heimadystur hjá TB. 

Kelda: dystir.fo: