Føroyingaliðið í bestu donsku hondbóltsdeildini, Ajax tók í dag móti Nykøbing Falster á heimavølli.
Dysturin endaði við stórsigri 35-20 til Nykøbing Falster. Í steðginum var Nykøbing Falster á odda 17-9.
Súna K. Hansen gjørdist saman við Maju Eiberg næstbesti málskjúttin hjá Ajax. Tær skutu trý mál hvør. Toppskjútti var Cecilie Specht við fýra málum.
Brynhild Pállsdóttir skoraði eitt mál fyri Ajax.
Ajax er aftast í deildini. Tær hava enn tað fyrsta stigið til góðar.
Komandi mikukvøld klokkan 18 verður føroyingauppgerð. Ringkøbing við føroyska málverjanum, Rakul Wardum tekur ímóti Ajax á heimavølli.
Í næstbestu deildini taptu Lív S. Poulsen og liðfelagarnir í TMS Ringsted í fyrsta dystinum hetta kappingarárið 23-35 fyri EH Aalborg á heimavølli.
EH Aalborg var á odda 14-8 í steðginum.
Lív skoraði trý mál.
