Palli Dalsgaard
??????????????
Vit hava upplivað ikki sørt av lønarstríði seinastu tíðina. Eitt nýtt skip lá í fimm mánaðir vegna lønarósemju, síðan streikan, sum eisini vardi leingi, og nú aftur eitt nýtt skip, sum tað tók tríggjar mánaðir til at blíva samdir um lønina. Lønarhækkingin, yvirmenninir á báðum skipunum kravdu, hoyrdi undir fíggjarmálaráðharran, hann var ikki at rokka, tá talan var um lønarbata. Tað fáa teir ikki frá mær, segði hann í sjónvarpinum. Men vit sóu ein annan lønarbata í sjónvarpinum fyri stuttum, tað var ikki eiti á upphædd, har skuldi leggjast oman á eina nokk so hampuliga løn. Tað, hyggjararnir løgdu merki til var, at fíggjarmálaráðharrin var at síggja á myndini, eins og fleiri onnur, men hann mótmælti ikki. Tað var sum í Leivskvæði, allir tagdu innanveggja eingin orðið førdi.
