Tað gekk væl hjá føroyingaliðunum í næstbestu norsku hondbóltsdeildini í dag.
Teis Horn Rasmussen og liðfelagarnir í Follo vunnu á heimavølli ein greiðan 29-22 sigur á Melhus.
Í steðginum var Follo á odda 15-10.
Teis Skoraði tvey mál fyri Follo í dag.
Follo er triðfremst við 18 stigum, sama stigatali sum Sandefjord, ið er næstfremst. Viking TIF er fremst við 24 stigum.
Og komandi mikukvøld skal Follo spæla móti júst Viking á útivølli.
Ryger Stavanger megnaði uttan føroyska stórskjúttan hjá sær, Tróndur Mikkelsen at vinna 30-26 á Nøtterøy á útivølli.
Í steðginum var Ryger á odda 14-12.
Hin føroyski leikarin hjá Ryger, Julian J. Kragesteen skoraði tvey mál fyri Ryger.
Ryger er fjórðfremst við 16 stigum.
Komandi leygardag leikar Ryger móti Viking TIF, ið er næstfremst á heimavølli í Stavanger.
