–Eg vænti, at verður ein drúgv onnur viðgerð fríggjadagin, og so er tað mín vón, at tað eydnast, at fáa tað samtykt til aðru viðgerð, sigur Bjørt Samuelsen, forkvinna í vinnunevndini, um álitið, sum vinnunevndin er komin við um fyrisiting av sjófeingi. Hetta sigur hon við Árna Gregersen í tíðindasendingini á Rás2 í kvøld.
Trýst á pílin undir myndini fyri at hoyra samrøðuna, sum Árni Gregersen gjørdi við Bjørt Samuelsen í kvøld.
Bjørt Samuelsen heldur, at tað eru fleiri í samgonguni, sum eru misnøgd, og tað verður man, tá ið sumt verður broytt.
–Sjálvandi hevur verið samskift við Framsøkn, sum ikki hevur umboð í nevndini, men tað sum hendi í gjár var, at summi ting vóru broytt í seinastu løtu, sigur hon.
Álitið kemur bert aftur í nevnd, um tað verður atkvøtt fyri tí. Nú er tað farið úr vinnunevndini og skal til viðgerð, og verður tað samtykt fer tað til triðju viðgerð.
