Jóannes Bjartalíð spældi allan dystin, tá hann og liðfelagarnir í FC Kyzylzhar taptu á útivølli 0-3 fyri oddaliðnum, Ordabasy í bestu kasakisku fótbóltsdeildini.
Ordabasy legði seg á odda longu í níggjunda minutti, og í seinna hálvleiki øktu teir tvær ferðir.
FC Kyzylzhar er nummar 11 í deildini við 23 stigum. Teir hava bert fýra stig niður til Taldykorgan á næstaftasta plássinum, so Jóannes og liðfelagarnir eru alt annað enn leysir av niðurflytingarvandanum.
Komandi leygardag klokkan 15 hevur FC Kyzylzhar dyst á heimavølli móti Atyrau, og nú mugu stig koma til høldar hjá FC Kyzylzhar.
