Ábyrgdarblaðstjórin á óheftu russisku ávísini, Novaja Gazeta, Sergej Sokolov, er handtikin í Russlandi.
Tað veit ávísin sjálv at siga.
Sergej Sokolov er handtikin fyri at hava "diskrediterað" - ella skrivað niðrandi um - russiska herin.
Eftir russisku innrásina í Ukraina, sum ávísin hevur funnist harðliga at, rýmdu fleiri av starvsfólkunum á Novaja Gazeta úr Russlandi.
Hinvegin varð Sergej Sokolov verandi í Russlandi, tí tað var her, hann vildi arbeiða.
Nú veit ávísin at siga, at ábyrgdarblaðstjórin er handtikin.
