Tað fer hann saman við Bárði á Steig Nielsen, landsstýrismanni í uttanríkis- og fiskivinnumálum. Fiskivinnukommiserurin kom til Føroya í morgun, og hann hevur saman við Bárði á Steig Nielsen vitjað í Vágum í morgun, har teir hava verið hjá Hiddenfjord.
Síðani verður farið til Vestmanna, har Costas Kadis og Bárður Nielsen fara umborð á Høgaberg, sum fer at sigla ein lítlan túr við teimum.
Costas Kadis er komin til Føroya á ráðstevnum UArctic Congress 2026, sum byrjar í høllini við Tjarnir í morgin og endar fríggjadagin.
Við Kringvarpið sigur Bárður á Steig Nielsen, at áhugin hjá ES fyri Føroyum er vaksandi, og tað heldur hann, at vit eiga at njóta gott av.
Bárður á Steig Nielsen fer at nýta høvi at tosa við kommiserin um tættari samstarv millum Føroyar og ES.
– Hann situr heilt uppi í systeminum í ES kommisjónini, og tá hann hevur valt at koma hendan vegin á ráðstevnuna og at hyggja seg íkring, so eiga vit at nýta høvi at tosa um tættari samstarv á øllum økjum, sigur Bárður á Steig Nielsen við Kringvarpið.
##med2##
